NAGA CITY – Dakulang problema kan mga parasisira sa Barangay Balogo sa banwaan kan Pasacao, Camarines Sur an kawaran nin sira na nadadakop sa saindang baybayon.
Sa entrevista kan Bombo Radyo Naga ki Arnel Ama, Barangay Kagawad kan Balogo Pasacao, sinaysay kaini na an nasambitan ng problema an huli sa darakula na troll na kun saen dae nakokontrol sa pagsisira na kun saen nasa lawod pa sana pig-aabangan na an mga sira na nagigin rason kun tano dae makasugok asin mag-produce pa nin kadakol na volume.
Apwera digde, an pagdakol man kan dolphin na kun saen haros nasa ektarya na kun susumahon an saro pa sa mga mayor na rason kan pagdikit kan nadadakop na sira.
Sigun ki Ama, bawal soboot kaya na dakupon an dolphin kun kaya nababawasan man an nadadakop na sira kan mga parasisira.
Mientrastanto, tangani man na masimbagan an tambak na problema sa basura sa baybayon kan balogo, masagibo man nin Clean up drive an saindang lado ngunyan na aldaw nin Domingo komo pagpapahiling na importante an kalinigan sa baybayon asin sa kapalibutan.
Sa ngunyan,pig-enkaminar na san kan opisyal an gabos na makisumaro sa nasambitan ng aktibidad.
