NAGA CITY – Dakulang katabangan soboot para sa pagpuho nin anuman na krimen sa probinsiya kan Camarines Sur an kolaborasyon kan mga kapulisan sa manlaen-laen na ahensiya kan gobierno asin sa mga non-government organizations.
Sa nagin paghampang sa mga kagawad kan media ni PCOL. Julius Cesar Domingo, Provincial Director kan CSSPO, sinaysay kaini na nagbaba an crime incident sa Camarines Sur siring kan rape na numero uno soboot sa mga listahah kan mga nagbubungkaras na krimen sa lugar.
Sigun pa sa opisyal, kadakol man an nalinigan na mga barangay asin nag-improve an saindang police visibility huli naman sa kadakol na mga programa na pig-iimplementar kan saindang lado sa guidance kan mga namamayo sa pambansang pulisya.
Katakod kaini, dakula man an pasasalamat ni Domingo sa mga organisayon asin manlaen-laen na ahensiya kan gobierno na katabang ninda sa pagpapautob kan paz y orden sa bilog na Camarines Sur.
Importante soboot an tabang na ini tanganing mas magin pusog an pag-implementar kan mga panundunann.
Sa ngunyan, hagad na sana kaini sa publiko suportaran an mga programa kan PNP para sa karahayan kan komunidad.
