Posible na pag-ulayan na kan Korte Suprema ngunyan na aldaw, Pebrero 18, an petisyong naghahagad na i-compel an Senado na puonan tulos an impeachment trial kontra ki VP Sara Duterte.
Sigun ki SC spokesperson Camille Sue Mae Ting, kan nakalihis na aldaw nin Lunes, na-raffle an nasambitan ng petisyon asin man posibleng ngunyan na aldaw ay mapapabali na ini sa agenda kan SC, kasiba man an iba pang petisyon.
Marurumdumang pigsunad an nasambitan ng petisyon kan nakalihis na Pebrero-14 sa pangengenot ni Catalino Generillo Jr., dating Presidential Commission on Good Government special government counsel.
Sa petisyon kaya kan grupo pighahagad kan mga ini na maglaog na an Korte Suprema asin piriton an Senado na tulos puonan an trial huli sa dae pigtugutan kan saligang batas na idelay ini, dawa pa naka-break an Mataas na Kapulungan.
Kahagadan pa kan grupo na tulos mag-constitute an Senado komo sarong impeachment court tangani litison na an Bise Presidente.
