Lalaki arestado sa buy bust Ops kan mga otoridad sa Magarao, CamSur

NAGA CITY- Arestado an sarong lalaki sa pigsagibong buybust operation kan mga otoridad sa Zone 1, Brgy. Casuray, Magarao Camarines Sur.

Sa entrevista kan Bombo Radyo Naga ki PCpt Beverly Calajate, OIC kan Magarao MPS, sinaysay kaini naarestar an dae na pingaranan na suspek huli ta nakabakal an poseur buyer sa suspek nin sarong pidaso kan heat-sealed transparent plastic sachet kan pinagtutubodang shabu gamit an P500 komo buy bust money.

Sa pigsagibo pang body search kan mga otoridad sa suspek, nakumpiskar pa digdi an walong pidaso kan sadit na transparent plastic sachets kan pinapangalad na bulong.

Sa ngunyan, nasa kustodiya na kan mga otoridad an suspek para sa magkakanigong disposisyon.