Nasa Camboadia na an liaison para sa gobyerno kan Pilipinas tanganing hanapon an puganteng gambling tycoon na si Atong Ang, sigun ki Department of the Interior and Local Government (DILG) Secretary Jonvic Remulla.
Nagsasadit soboot an mundo ni Ang asin kun talagang nasa Cambodia soboot ini igwang extradition duman. An angat kaini ngunyan sa pagtugis ki Ang iyo an saiyang yaman, na mapatugot sa saiyang maghiro sa borders na dae nadedetect.
Alagad, tinukoy man kan sekretaryo an kaso kan sinibak na si dating Negros Oriental Representative Arnie Teves, na pigbweltada sa Timor Leste tanganing hampangon an local case sa paggadan ki dating Negros Oriental Governor Roel Degamo.
Siring man, nahihiling man na makakatabang ngunyan an Presidente kan Pilipinas na nagtitindog komo chairperson kan Association of Southeast Asian Nation (ASEAN), kun saen kaibahan an Cambodia tanganing mas mapakusog pa an koordinasyon.
Presente man na wanted si Ang sa mga kasong kidnapping na igwang koneksiyon sa pagkawara kan 34 na sabungero sa tahaw kan taong 2021 asin 2022.
