NAGA CITY – Patay ang isang lola matapos mabundol ng isang truck sa Lucena City.
Kinilala ang biktima na si Adila Esguera, 67-anyos, residente ng Barangay Mayao Crossing sa nasabing lungsod.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na habang tumatawid sa kabilang bahagi ng kalsada ang biktima sa may bahagi ng Dalahican Provincial road, Barangay Ibabang Dupay sa nasabing lungsod nang bigla na lamang iong mabundol ng truck na minamaneho naman ni Ryan Siatriz, 36-anyos, residente ng Sitio Bacungan Castañas Sariaya Quezon.
Sa nisyal na imbestigasyon ng mga awtoridad, napag-alaman pa na dahil sa insidente, nagtamo ng sugat sa iba’t-ibang bahagi ng kaniyang saiyang katawan si Esguera na agad namang dinala sa ospital ngunit binawian din ito ng buhay.
Sa ngayon, nasa kustodiya na ng mga awtoridad ang suspek para sa karampatang disposisyon.
