Nangapudan an Land Transportation and Franchising Regulatory Board (LTFRB) na kaipuhan man ikonsiderar an mga commuters sa pagdedesisyon mapadapit sa petisyon kan pirang transport group na langkaw pamasahe na P15 sa mga pampasaherong jeep.
Sa sarong pahayag, pinatanidan man ni Sen. Win Gatchalian ang LTFRB na mantang pinag-iisipan an P15 fare increase na kahagadan kan mga jeepney drivers huli sa padagos na paglangkaw kan world prices kan mga produktong krudo, kaipuhan man soboot tawan konsiderasyon an mga commuters na naggagamit nin public transportation.
Pwede kaya na an paglangkaw na ini sa pamasahe an pwedeng kabawasan man sa kita kan mga underprivileged na mamamayang pilipino asin kan mga minimum wage earners na dae bastante an kita sa sarong aldaw.
Nagpromesa man an LTFRB na tulos sindang maluwas nin resolusyon sa bulan kan Abril huli sa ngunyan an padagos na pinag-aadalan pa ini kan ahensiya.
Mientrastanto, pinagiromdom man ni Gatchalian an LTFRB na an kada piso an importante para sa mga nagtitios na sektor kan nasyon asin naglalaom soboot an senador na isaalang-alang na marhay kan LTFRB an parehong kampo antes magluas nin pinal na desisyon.
Kun tutugotan man kan LTFRB an petisyon kan mga transport groups, malangkaw nin P2 an regular na pamasahe sa mga jeepney na kun ngunyan nasa P13, pwedeng magin P15 mantang sa mga e-jeep man gikan sa P15 magigin P17 na an regular na pamasahe.
