Kumpiyansa si Presidente Ferdinand Marcos Jr., na mabukas nin mas kadakol na oportunidad sa local and national economy an pagbubukas kan Caticlan Passenger Terminal Building na matatapos sa pigtalaang panahon.
Pinangenotan ni Presidente Marcos Jr an groundbreaking asin time capsule laying.
Sa patara-tara kam Presidente, sinaysay kaini na an nasambitan ng proyekto an dakulang tabang sa ekonomiya kan rehiyon asin sa nasyon huli man ta ini an masirbing main gateway pasiring sa Boracay.
Huli digde, pwede nang maabot kan mga turista, bisita asin mga negosyante an western Visayas region siring kan Boracay bako sana sa paagi kan Metro Manila Airports kundi direkta nang makakalupad asin malapag sa Caticlan Airport sa Aklan.
Sigun pa sa Presidente na mas mapaparekaz na asin covenient sa mga bisita kun natapos asin nakumpleto an passenger terminal building sa Caticlan Airport.
An duwang palapag na Passenger Terminal Building an igwang total floor area na 36, 470 square meters na igwang anom na passenger boarding bridges asin 36 na indibidwal check-in counters.
Piglalaoman ining makapag-accomodate nin 7 milyong pasahero kada taon asin 3,000 passenger capacity maski anong oras.
Nagtutubod an presidente na magigibong makumpleto kan pribadong sektor an konstruksiyon kan passenger building terminal sa promesa kaining 24 na bulan.
