Pig-utro kan Malakanyang an pangapudan na mag uli na nin nasyon si dating Presidential Spokesperson Harry Roque na presenteng nasa The Hague, Netherlands.
Sa Press Briefing sa Palasyo sinaysay ni Palace Palace Press Officer USec. Claire Castro, haros naghahagad nin tabang si Roque tangani sana patunayan an saiyang mayo nin basehan na akusasyon kontra ki Presidente Ferdinand Marcos Jr.
An reaksiyon ni Castro an kasunod kan panibagong patutsada ni Roque na naggagamit soboot kan iligal na droga an Presidente.
Patunay digde an saiyang nagin hamon ki presidential sister asin Senator Imee Marcos na patunayan na bangag an Presidente Marcos.
Dugang pa kan Palace Official na sa mga pinagsasabi ni Roque ngunyan ay maikokonsiderar na man na saro ining peddler kan fake news.
Sinaysay ni Castro, na si Roque an nasa likod kan “polvoron video’ na pigka-imbweltuhan ni Presidente Marcos.
Ini an basado sa rebelasyon kan sarong vlogger na si Pebbles Cunanan sa isinagibong pagdangog kan Tricommittee
