Nagpatanid si Senate Deputy Minority Leader Risa Hontiveros sa marekas na pagdakol kan deepfake pornography gamit an artificial intelligence (AI) technology.
Sa pagdangog kan Senate Committee on Women and Children, naghampang sa pagdangog an aktres na si Angel Aquino asin content creators na si Queen Hera katakod kan isyu kan deepfake pornography.
Ipigheras ni Queen Hera an matinding naeksperyensiyahan kan madiskubre kaining nagamit sa dark web an ladawan kan saiyang aki.
Mientrastanto, maduon na kinondenar ni Aquino an paggamit sa saiyang lalawgon sa sarong malaswang video.
Sigun ki Hontiveros, haloy nang piggamit an teknolohiya tanganing magsagibo nin pang-aabuso asin krimen kontra sa kababaihan asin kaakian, alagad ngunyan, nag-abot na sa paggibo kan AI generated non-consensual.
Naunambitan pa kan senadora na nakakabighani man an rekas asin hewas kan paglaganap kan AI, labi na nakakatakot an rekas asin hewas kan pang-aabuso digde.
Hurot kaini, bako sana an an law enforcement agencies an naghampang sa panibagong huma sa pagtukoy asin pagdakop sa mga naggibo kaini, kundi mas nakakahadit an angat sa derechos kan lambing indibidwal orog na sa saindang privacy.
Ipinaluwas man ni Hontiveros an video kan pagkakadakop ki Thomas Scheuer sa Cebu kan mga kawani kan Bureau of Immigration.
Saro ining Amerikanong pugante na wanted kan Federal Bureau of Investigation (FBI) huli sa possession of child sexual abuse and exploitation materials.
Ibinunyag man ni Hontiveros na basado sa mga alegasyon asin isinagibong pananaliksik kan saiyang opisina, pwedeng naimbwelto man an pugante sa pang-aabuso sa sadiri kaining aking babae.
Hurot kan senadora, nakakapandiri na malayang nakakagala sa nasyon an mga siring na klase kan tawo.
Pigsierto man kan Cybercrime Investigation and Coordinating Center (CICC) na igwa sindang kapangyarihan o otoridad tanganing magbawal o magpahali kan mga adult materials na inilathala nin mayong pagtugot.
