Para ki House Minority Leader asin 4Ps Partylist Rep. Marcelino Libanan, marahay asin napapanahon an kasuguan ni Presidente Ferdinand Marcos Jr. na suspendiron an importasyon kan bagas.
Sigun ki Libanan, matao ini nin dakulang kaluwagan sa mga paraoma na napupwersang ipabakal an saindang aning paroy nin mayong palugi o P8 hasta sa P10 kada kilo na mas hababa sa saindang production cost.
Alagad hurot ni Libanan, dapat ining sabayan nin pagtagama nin mas dakulang alokasyon para sa mga paraoma sa irarom kan 2026 National Budget.
Duon ni Libanan, importante an padagos na suporta kan gobyerno sa mga paraoma tangani mapakusog an lokal na produksyon kan bagas.
Sigun ki Libanan, mayor na dapat mamuhunan an gobyerno sa irigasyon, farm mechanization, post-harvest facilities, access sa baratong pautang, asin man patas o makatwirang mekanismo sa pagtatalaan nin farmgate price.
