NAGA CITY- Irido an sarong menor de edad maging an driver kan motorsiklong nakabangga digdi sa kalabaan kan tinampo sa Brgy. Bagacay, Libmanan, Camarines Sur.
Sa nagunong impormasyon kan Bombo Radyo Naga napag araman na papabalyo sana sa kalabaan kan tinampo sa nasambitan ng lugar an menor de edad kan bigla ining maligis
kan papaabutong motorsiklong minamaneho ni Dan Peña, 33 anyos.
Huli digdi, nagsapo nin lugad sa manlaenlaeng parte kan saindang lawas an driver kan motorsiklo asin menor de edad na tulos man idinalagan sa ospital.
Sa ngunian, nagpapadagos pa man an imbestigasyon kan mga otoridad manungod sa nasambitan ng insidente.
