NAGA CITY- Naglalaom an Commission on Human Rights na poproteheran kan Philippine National Police (PNP) an derichos kan mga magpoprotesta ngunyan na aldaw sa State of the Nation Address (SONA) ni Presidente Ferdinand Marcos Jr.
Sa sarong pahayag, tinawan-duon kan Commission on Human Rights an importansya kan papel kan law enforcers asin duty-bearers sa pagtatao nin dalan sa mga namamanwaan na gamiton an saindang mga derichos sa sarong salbado na kapalibotan.
Pigrerekomendar kan PNP na tutugotan sana an mga magpoprotesta hasta sa Commonwealth Avenue-Tandang Sora Avenue sa ngunyan na aldaw kan SONA tanganing malikayan an matinding trapiko harani sa Batasang Pambansa complex.
