Bukas si Presidente Ferdinand Marcos Jr. (PBBM) tanganing dangugon an mga nagbabatikos sa saiyang administrasyon. Sigun sa presidente, posibleng igwa man nin tama sinasabi an mga tawong kritikal sa saiyang pamamayo.
Kaya man pig-abisohan man kan presidente an mga mamamahayag na dangugon an gabos nin lado, siring kaini na preparadong magdangog maski pa sa may habo sa saiya.
Dapat soboot magsirbing watchdog an media na mapuna sa mga posibleng kapalpakan kan gobyerno asin kaluyahan sa sistema tanganing masimbagan ini.
Ini na man sobooot an papel kan media sa pagsisierto na mananaig an demokrasya sa kada diskusyon.
Pigsierto man ni Presidente Marcos na padagos kaining itataguyod an kasalbadohan kan mga media practitioners sa nasyon nin huli ta an kadahasan soboot sa media an mayong lugar sa bagong Pilipinas.
