Aram baya nindo mga ka-Bombo, sa tahaw kan labing init kan panahon na naglalampas sa 40°C, napiritan an mga taxi driver sa siyudad kan Kandahar, Afghanistan na maggibo nin mga improvised air coolers gamit an lumang bariles asin tubo tanganing labanan an matinding init sa saindang mga behikulo.
Mas epektibo pa soboot an gibong harong na cooler kesa sa built-in air conditioning system kan mga behikulo. Ipinahiling pa kan mga ini an paglaog kan exhaust vent gamit an sticky tape asin an pagkabit kan unit sa bubong kan saindang taxi.
Aminado man an mga ini na saindang manu-manong lalaogan nin tubig an unit nin duwang beses sa sarong aldaw tanganing maglipot ini.
Bistado komo saro sa mga nagtiteos na nasyon sa kinaban an Afghanistan na labing apektado kan climate change.
Basado sa mga report, piglalaoman na orog pang matindi an init sa mga maabot na semana.
Siringman, supartado man kan mga pasehero an ginibong inovative kan mga driver.
