NAGA CITY – Nagpapadagos ngunian an clearing operation kan mga tropa kan gobyerno makalihis an nairehistrong bakbakan sa tahaw kan mga militar asin pigtutubudang mga rebeldeng New People’s Army (NPA) sa banwaan kan Goa, Camarines Sur .
Sa ipinaabot na impormasyon ni Captain Joash Pramis, Chief kan Division of Public Affairs Office (DPAO), sinaysay kaini na alas 4:30 nin hapon kan magpuon an riribayan nin putok kan duwang lado sa nasambitan ng lugar.
Narekober kan mga otoridad an sarong M14 rifle, duwang M16 asin 32 backpack na may laog na mga gamit asin subersibong dokumento na pigtutubudang pagsasadiri kan mga rebelde.
Meintrastanto, mayo man nairehistrong nalugadan o nagadan sa tropa kan gobyerno mantangt padagos pang inaaram kun may casualties sa lado kan mga rebelde.
