NAGA CITY – Pigsierto kan Metro Naga Water District na preparado sinda sa gabos na durasyon kan Peñafrancia festival.
Sa entrevista kan Bombo Radyo Naga ki Engr. Virgilio Luansing, general manager kan MNWD, sinaysay kaini na nakaready naman an saindang mga pumping stations.
Igwa man soboot nin mga generator sets enkaso magkaigwa nin dae piglalaoman na power interruptions.
Sigon ki Luansing, medyo hababa ngunian an water pressure alagad mayo man soboot nin magigin problema huli sa mga pumping stations, portable faucets asin water stations sa tahaw kan darakulang aktbidad.
Sa ibong kaini, nangapudan man giraray si Luansing sa gabos na mga syudadano na magtipon na nin tubig na makakatabang sa papaaboton na kapistahan.
