NAGA CITY- Gadan an sarong motorista makalihis an nangyaring banggaan nin motorsiklo asin pedicab sa kalabaan kan tinampo sa Barangay May-Anao, Tigaon, Camarines Sur.
Susog sa nagunong impormasyon kan Bombo Radyo Naga gikan sa Tigaon-PNP, napag-araman na aksidenteng nagsalpok an motorsiklong pigmamaneho ni Ricardo Panciles Sr., 55-anyos sa pedicab na pigmamaneho ni Domingo Carcer, 47-anyos.
Parehong nagsapo nin lugad sa saindang lawas sinda Panciles asin Carcer na tulos man na ipigdalagan sa ospital alagad idineklarang dead on arrival kan mga doktor an driver kan motorsiklo.
Nagluwas man sa imbestigasyon kan pulisya na nasa irarom nin impluwensya nin arak si Carcer mantang nagmamaneho kan nasambitan na behikulo.
