NAGA CITY- Nakabantay an mga personahes kan Naga City Police Office sa mga simbahan katakod kan pagpupuon kan Simbang Gabi ngunyan na aldaw, Disyembre 16, 2024.
Sa entrevista kan Bombo Radyo Naga ki PLtCol. Chester Pomar, NCPO Spokesperson, sinaysay kaini na nagkaigwa nin mga deployment kan saindang kapulisan sa mga simbahan sa siyudad. Dugang pa kaini, amay man na nagkaigwa nin coference an saindang Regional Director dapit sa preparasyon asin security coverage kan saindang lado.
Kun saen, magkakaigwa nin augmentation sa Naga City asin Legazpi City kun kaya mahagad nin augmented personnel an saindang hepatura sa Camarines Sur Police Provincial Office (CSPPO).
Sigun ki Pomar, idedesiminar man kan saindang lado an impormasyon dapit sa budol-budol na mauuso ngunyan na igwa nin kasiributan.
Mientrastanto, matinir man an mga augmented hasta sa matapos an holiday season. Kun saen, lalatagan nin mga kapulisan bako sana an simbahan alagad magin man an mga terminal sa siyudad.
Sa ibong kaini, nagin matuninong man an enot na simbang gabi asin mayo man nin nairehistro na anuman na insidente.
