Pig-report kan National Grid Corporation (NGCP) sa pagdangog kan Legislative Franchise committee na sa ngunyan mayo na sinda nin delay sa mga system impact studies (SIS).
Paliwanag ni NGCP Spokesperson Atty. Cynthia Alabanza na enkaso igwa pa sinda nin delay sa SIS, ini nakapalaman pa man giraray sa time line na nakabugtak sa irarom kan regulasyon asin pira digde igwa nin nahilingan na mis-alignment sa time line.
Pigsimbagan man ni Atty Alabanza na nagbayad sinda nin multa dapit sa mga pending na proyekto.
Nilinaw man ni Alabanza na may manlaen-laen na rason sa pag-antala kan mga proyekto siringpaman pigsierto ninda na makukumpleto an mga nasambitan ng proyekto.
Pig orgulyo ni Alabansa, na sa ibong kan kadakol na hamon nagibo ninda na makumpleto an pinaka dakulang proyekto sa Visayas.
Pigsierto pa ni Alabanza na makikipagkoordinar sinda sa ERC tangani simbagan an mga mis-alignment sa timeline.
Aminado si Alabanza na igwa talagang regulatory delays na pigkakahampang kan NGCP.
Segun pa ki Alabanza na pigsisimbagan na ini ngunyan kan NGCP tangani na malikayan an delay sa actual implementation kan proyekto.
Nagsagibo nin pagdangog ngunyan na aldaw an House Committee on Legislative Franchise katakod sa nangyaring mahewasang brownout na nagkaigwa nin dakulang epekto sa sektor nin negosyo asin an mga proyekto na piggigibo kan NCGP.
Segun pa ki House Committee on Legislative Franchise Chairman Rep. Gus Tambunting an pagdangog ngunyan an continuation sana na kun saen mawot ninda na maaraman an katotoohan sa likod kan mga nangyaring brownout.
Pigkuwestyon kaya an mga naantalang proyekto kan NGCP. Pigkumpirmar kan ERC na pinatawanan ninda nin multa an NGCP huli sa delay kan saindang mga proyekto.
Segun ki Tambunting nasa 37 na mga proyekto an naantala kung saen 34 digde an unjustifiable delays.
