Pigpapautob na kan National Grid Corporation of the Philippines (NGCP) an integrated disaster action plan kaini tanganing limitaran an epekyo kan bagyong Emong, Dante asin Habagat sa transmission lines asin mga pasilidad.
Kaibahan sa nakatalag na action plan an pre-positioning kan line crew sa mga estratehikong mga lugar, pag-aadal sa mga communications equipment asin pagsierto sa availability kan hardware para sa tulos na pagpakarhay sa mga naraot na transmission facilities.
Sigun sa grid operator, importante an mga pagpepreparar na ini tanganing masierto an marekas na pagpapanumbalik sa suplay kan kuryente sa mga lugar na naapektaran kan mga kalamidad.
Basado man sa update gikan sa NGCP nagtitinir na nasa normal na operasyon an gabos kan transmission lines asin mga pasilidad kaini.
