NAGA CITY- Pigpagirumduman kan sarong opisyal an publiko na magin vigilante ngunyan sa mga online scam gamit an mga e-wallet. Ini an katakod kan nairehistrong paglangkaw nin numero kan siring na scam.
Sa entrevista kan Bombo Radyo Naga ki PCPT Angelo Babagay, Anti-Cybercrime Group/PNP, sinaysay kaini na an mga nagrereport na mga naii-scam ngunyan an online scam via e-wallet. Kun saen, an iba soboot naha-hack an account na nagreresulta sa pang-scam.
Mientrastanto, kumparar soboot kaidto, orog pang naglangkaw an numero kan saindang nareresiber na reklamo ngunyan. Kun saen, sa sarong aldaw, dae nagbaba sa lima an mga nagrereport.
Sa pinakahuring datos kan saindang opisina, mapakol sa P69,000 an na-scam sa biktima gamit an e-wallet.
Sa ibong man kan kaaraman kan publiko mapadapit sa scam online, labi soboot kayang nagtitiwala an iba kun kaya nabibiktima kaini. Sa ngunyan, liwat na nagpagirumdom an opisyal na antes magsagibo nin transaction online, siertohon muna na an saindang pigkakaulay na tawo asin kun pupwede an apodan sa personal kaining numero.
Apwera pa digdi, enkaso man dae malikayan na magbakal sa paagi kan online, dae basta basta butas nin kwarta o magin vigilante asin gamiton an pig-aapod na Cash on Deliviry tanganing malikayan na mabiktima.
