NAGA CITY – Kumpiskado an nasa P1.3-M na kantidad kan iligal na droga gikan sa sarong pulis-Maynila sa pigsagibong buybust operation sa Sibujo, Libmanan, Camarines Sur.
Binisto an suspek na sarong inactive member kan PNP, 53-anyos asin presenteng nakaistar sa Quezon City.
Sa entrevista kan Bombo Radyo Naga ki PMaj. Maria Victoria Abalaing, PIO kan Camarines Sur Police Provincial Office, sinaysay kaini na nakumpiskar sa posisyon kan suspek an pinagtutubudang shabu na pigkakarkulong igwa nin gabat na 200 grams asin nagkakantidad nin P1,360,000.
An nasambitan ng operasyon an pinagsarong pwersa kan PNP asin kan PDEA na nagresulta sa pagkakaarestar kan nasambitan ng pulis.
Dugang pa ni Abalaing dae na aktibong miembro kan kapulisan an suspek asin tubong Iriga City.
Tinawan duon man kan opisyal na dae ninda pigtotolerate an siring na gibo kan saindang mga personahes. Sa ngunyan, nasa kustodiya na kan mga otoridad an suspek para sa magkakanigong disposisyon.
