Pigsierto ni Akbayan Partylist Representative Perci Cendaña na liwat nindang ibubusol sa 20th Congress an P200 legislated wage bill.
Pahayag ini ni Cendaña manungod sa nagin kawaran kan aksyon kan Senado sa nasambitan ng propwesto sa ibong kan bastante na panahon asin pagkakataon taangani i-adopt an bersyon kan Kamara tangani maparikas an pagsumiter sa propwesto.
Dugang pa kaini, kaipuhan ini nin huli ta mayong untok an paglangkaw nin presyo nin barakalon.
Sigun sa kongresista, kun seryoso soboot an Senado sa paglalangkaw nin sahod kan mga obrero, nagkakanigo na tulos nindang inadopt an House version na 200 pesos na umento orog na ta kadikit na lakdang na sana an maisusumiter na sa Malacañang tangani mapirmahan.
Apwera digde, binatikos kan kongresista an LEDAC na pinamamayuhan ni Presidente Bongbong Marcos huli soboot sa kabiguan na sertipikaran komo urgent an propwestong ley.
Kasabay kaini, kinuwestyon ni Cendaña an economic priorities kan administrasyong Marcos asin an pagtuninong sa isyu sa mga obrero.
Imbes na suportaran an 200 pesos na wage hike, mas pigbubusol soboot kan Senado an 100 pesos na labing kulang.
