Target kan pamayuhan kan Department of Agriculture na magtugdok nin tulong bilyong pisong kantidad nin cold storage facility sa nasyon para sa mga gulay asin magin sa mga high value crops ngunyan na taon.
Sa sarong pahayag pigsabi ni Agriculture Secretary Francisco Tiu Laurel Jr., makakatabang ini tangani na mapababa an shelf life kan pigtitipon na gulay, prutas asin man magin an mga high value crops.
Mamamantinir man kaining stable an supply kabali na man an presyo. Susog sa ahensya, palalakawon kan kuryente gikan man sa renewable energy sources an mga refrigerated warehouse.
Piglalaoman kan Department of Agriculture na magigin epektibo na an mga saradit na pasilidad kan cold storage facility ngunyan na taon.
Ini an proyektong parte sana kan komprehensibong logistics master plan kan ahensya gikan sa saindang Agriculture and Fisheries Logistics Office
