NAGA CITY– Gadan an sarong padre de pamilya makalihis na pagbabadilinkan dai pa nabibistong suspek sa Nabua, Camarines Sur.
Binisto an biktima na si Christopher Lantiong.
Sa entrevistra kan Bombo Radyo Naga ki PO3 Ritche Doctolero, tagapagtaram kan PNP Nabua, sinaysay kaini na ala-1 kan mag uumagahon kan magpasiring an dai pa nabibistong suspek sa harong kan biktima sa barangay Dolorosa.
Basado sa salaysay kan 11-anyos na aki kan biktima, pinaluwas kan suspek an saindang ama sa saindang harong asin tulos ining pinagbabadil.
Nagsapo nin lugad sa saindang lawas an biktima na nagresulta sa saiyang pagkagadan.
Sigon ki Doctolero, dai imbwelto sa transaksyon nin iligal na droga an biktima kaya posibleng igwang koneksyon sa saiyang trabaho an nasambitan ng pambabadil.
Meintrastanto, nakamati suboot nin trauma an 11-anyos na aki kan biktima makalihis an nasambitan ng krimen.
