Pigsierto kan Philippine Air Force (PAF) na igwang kakayanan ini na magpadara nin air assets tanganing suportaran an ibang lunadang panghimpapawid kan nasyon na nago-operate sa West Philippine Sea.
Ini an kasunod kan mapeligrong flight manuevers kan Chinese Navy helicopter sa aircraft kan Bureau of Fisheries and Aquatic Resources (BFAR) mantang nagsasagibo nin routine maritime domain exercises sa mag Bajo de Masinloc kan nakalihis na Pebrero 18 sa haraning distansiya na nagbugtak sa buhay kan mga sakay kan BFAR aircraft sa peligro.
Sigun ki PAF spokesperson Col. Ma. Consuelo Castillo, nakadepende an posibleng deployment kan saindang asstes sa desisyon kan nasa halangkaw na opisyal.
Pighayag man kan PAFofficial na an nasambitan ng lakdang an mangangaipuhan nin pagsasaalang-alang sa operasyon pag-abot sa logistics asin pagpapadagos kaini huli ta harayo an WPS puon sa normal operating area kan mga asset kan Air force.
Dugang pa ni Col. Castillo na igwang kapasidad man an saindang helicopters para sa mga ship deck operations asin nagsasanay man soboot sinda kaibahan an Philippine Navy para sa ship deck operations tanganing magin matrayumpo an operasyon.
