Presente nang pigpapa-check kan Department of Agriculture (DA) sa pangengenot ni Agriculture Secretary Francisco Tiu Laurel Jr. an pagbabago asin padagos na pagtangkilik kan mga Pilipino sa imported rice sa mercado.
Sinugo ngunyan kan sekretaryo an Rice Industry Development Office (RIDO) tanganing pangenotan an imbestigasyon sa padagos na pagpili kan mga parabakal sa imported na mga bagas partikularmente na an mga bagas na pig-angkat sa Vietnam.
Sigun ki Tiu Laurel, an mga pagbabagong ini an pwedeng senyales kan pagbabago man kan mga paryoridad kan mga parabakal kun saen mas nagpipili an mga ini nin igwang kalidad kaysa sa mas kadakol.
Dapat man soboot bantayan an siring na pagbabago sa trends orog na asin posibleng igwang pigpapahiwatig ini sa mga presenting demand asin kamawotan kan mga konsyumer.
Mientrastanto, obheto man kan nasambitan ng direktiba na makagibo pa nin mga konkretong rekomendasyin na iyong mapakusog asin magpapayabong pa nin suporta para sa mga lokal na paraoma asin magin mga rice millers sa laog kan nasyon tanganing mas mapakusog man an kapasidad kaini para sa eksportasyon.
