Ipigpaubaya na ni Senator Sherwin Gatchalian sa Department of Health (DOH) an paghali sa pag-iisyu kan guarantee letter (GL) komo requirement sa mga naghahagad nin medical assistance.
Paliwanag ni Gatchalian, parte kan proseso kan medical assistance kan DOH an pag-iisyu kan guarantee letter asin an ahensya na mismo an mahali kaini kun mawot man nindang halion.
Dae man soboot kaipuhan na nasa 2026 budget ini o kaipuhan pang ley huli ta mayo naman batas na nagkikriar kan GL asin ini nasa guidelines sana kan DOH.
Kaibahan sa anti-epal provision kan 2026 budget an pagbabawal sa mga politiko na mangiaram sa GL, alagad pwede pa man mag-refer an mga lehislador kan medical assistance sa DOH.
Pigsaysay ni Gatchalian na sa saiyang kaso, kada semana igwang nagrarani sa saiya tanganing maghagad nin medical assistance asin an saiya sanang ginigibo pig-re-refer sinda sa DOH.
