Pinatututukan ni Presidente Ferdinand Marcos Jr. ki bagong Department of Information and Communications Technology (DICT) Chief Henry Aguda an pagpapakusog kan cybersecurity kan nasyon ngunyan na panahon nin halalan.
Sigun ki Palace Press Officer Claire Castro, pogkokonsiderar kan Presidente na importanteng aspeto an pagpapakusog kan cybersecurity, orog na ta piglalaoman na mantang paparani an eleksyon ay maglilipana man an mga “troll farms” online.
Magigin katabang man kan Presidential Communications Office (PCO) an DICT sa mga programa asin magin proyektong ilulunsar katakod kan laban sa fake news.
Apwera sa pagpapakusog kan cybersecurity, ipinagsugo man soboot kan Presidente an pagpapadagos kan programa kan administrasyon sa digitalization kan mga proseso asin transaksyon, asin pagtatatag nin marikas na internet connectivity sa bilog na nasyon.
Enot nang nakipagkasundo an PCO sa Cybercrime Investigation and Coordinating Council (CICC) tangani ibusol an mga tamang impormasyon, kasabay kan pagsawata asin pagpapanimbag sa mga nagpapakuriyat nin fake news sa social media.
