Pigkokonsiderar na seryosong banta kan Malakanang sa kasalbadohan kan Chief Executive an binutasang taramon ni VP Sara Duterte.
Sigun sa Presidential Communications Office, anuman patanid na igwa nin kinaaraman sa buhay kan Presidente an dae pwedeng ipagkibit balikat orog na an taramong binutasan kan ikaduwang presidente na piggibo sa publiko.
Pighayag kaya kan Bise Presidente na igwa ining kinua assassin tanganing gadanon an presidente enkaso magtrayumpo an sarong plot kontra sa saiya.
Katakod kaini sinaysay kan Presidential Communications Office na naghiro na an opisina kan Executive Secretary dapit digdi asin nai-coordinate na sa Presidential Security Command an soboot active threat ki Presidente Marcos.
Sigun sa Presidential Communications Office for immediate proper action an kasugoon para sa kasalbadohan kan presidente.
