NAGA CITY-Ipaprayoridad kan pamayuhan kan Igualdad an pagpapadagos kan programa pag abot sa kalinigan sa taong 2026.
Sigun ki Angelo Bendiola- Igualdad, Barangay Captain, sinaysay kaini na mayo sa saiyang key points agenda kan ini naggibo nin plataporma kaidto, alagad saiyang nahihiling na kaipuhan man giraray na ipadagos sa administrasyon an pagmantinir sa kalinigan sa Brgy, Decloging sa mga kanal magin an kalinigan sa kada street.
Maogma an saindang lado huli sa bilog na partisipayon na pigpapahiling kan mga kahimanwa asin organisasyon orog na kan Brgy People’s Council pag abot sa saiyang pangapudan.
Katuwang man digde an 4p’s, Gawadan, Solo Parents, Urban Organizations asin iba pang organisasyon sa lugar kabali na an mga jovenes, kamagurangan asin Senior Citizens, mga rabus organizations.
An mga ini an nakikisumaro sa duro-Dominggo na paglilinig sa komunidad. Bako sanang simpleng paglilinig kundi road clearing kan mga debris, drainage canals asin mga tambak na basura na padagos nagpapa ati sa kapalibutan asin nagigin kawsa kan pagbaha.
Sigun ki Bendiola, naka schedule an saindang paglilinig na kun saen sa sarong aldaw naka pokus sana sinda sa sarong sona. Pigsisierto ninda na antes madeklarar na malinig an gabos, pigchecheck ninda na naka declog an gabos na mga drainages sa nasambitan ng mga sona.
Sa ngunyan, pangapudan pa kan opisyal sa mga kahimanwa na makisumaro sa pinapangapudan kan Brgy pag abot sa kalinigan asin iba pang programang ikakamaray kan kagabsan.
Nagtutubod an opisyal na an kalinigan an basehan kun talagang disiplinado an mga residentes asin ini an dapat na pigtututukan bako sana sa mga Brgy kundi sa enterong nasyon.
An solusyon sa mga siring na bagay iyo an pagkasararo huli ta magigin manageable na sana an mga basura tuyong igwa man nin kalamidad o pagbaha.
