Dae pigkokonsiderar ni Senate President Francis “Chiz” Escudero na mag-inhibit komo presiding officer sa nakaambang impeachment trial kontra ki Vice President Sara Duterte.
Kasimbagan ini kan senador sa pangapodan kan nagkapirang progresibong grupo na dapat magbaba sa pwesto si Escudero komo presiding judge sa paglilitis ki Duterte huli sa soboot pagigin “bias” kaini asin padagos na pagpauktaba kan impeachment proceedings.
Hurot pa kaini, klaro na an grupo an pabor na i-impeach an bise presidente kaya dae soboot ini kaini dadangugon.
Kasuodma, naghiro-protesta sa luwas kan Senado an Samahan ng Progresibong Kabataan tanganing ipangapodan an pag-inhibit ni Escudero sa impeachment trial kontra ki VP Sara.
Nagsumiter an grupo nin sarong open letter na pinirmahan kan 24 student councils asin academic organiation gikan sa manlaen-laen na state and private universities.
Pig-ako kan sarong kawani gikan sa opisina ni Escudero huli ta dae pigtugotan na makalaog sa establisyemento kan Senado an mga miyembro kan SPARK.
Sigun ki Miguel Basuel, tagapagtaram kan grupong SPARK, an pag-inhibit ni Escudero an maibebweltada an tiwala kan publiko sa proseso kan impeachment.
Nagbugkos man nin mga pulang ribbon sa gate kan Senado an mga lider-estudyante komo pangapodan para sa pag-inhibit ni Escudero.
