Pig-inkaminar ni House Deputy Minority Leader Perci Cendaña an Department of Justice na tulos puonan an proseso kan extradition ki Kingdom of Jesus Christ Founder Apollo Quiboloy kabali na an paghagad sa mga korte na resolbaron na an mga kaso kontra sa saiya.
Sigun ki Cendaña, dapat na simbagon ni Quiboloy an mga reklamo nin human trafficking, sexual exploitation asin man pag-abuso sa mga menor de edad.
Bako soboot ini simpleng misconduct huli ta naaraman an kapangyarihan asin impluwensiya ni Quiboloy.
Punto kan kongresista, dawa nasa laog kan kulungan, mahewas pa man an kapangyarihan ni Quiboloy sa relihiyon asin pulitika sa nasyon na nagpapaluya sa imbestigasyon asin nagkakawsa nin peligro sa mga testigo.
Pigtawan duon ni Cendaña na sa mga pagdangog kan Senado, nadangog an mga nakabahadit na testimonya na nagpatotoo sa akusasyon kan pang-aabuso, exploitation asin man pagsasabwatan sa laog nin organisasyon ni Quiboloy.
Dugang pa kaini, mayong siisay man na indibidwal o dawa na nagpapabistong aki kan Diyos an nakaaangat sa ley orog na an inaakusaran nin krimen laban sa mga kaakian asin sa sangkatauhan.
Sa lado man ni Manila Rep. Joel Chua, hahalaton na sana an magigin desisyon kan Department of Justice (DOJ) dapit digde.
