Ma-meeting ngunyan na aldaw sinda Presidente Ferdinand Marcos Jr., asin Executive Lucas Bersamin kun saen makumparar nin notes an duwa.
Ini an sinaysay ni Presidential Communications Secretary Cesar Chavez.
Sigun ki Chavez pag-uulayan ninda PBBM asin ES Bersamin an magigin agenda para sa enot na full cabinet meeting para sa taong-2025.
Dae man sinaysay ni Sec. Chavez kun nuarin an nasambitan ng cabinet members asin ano an mga isyu na pag-uulayan.
Ngunyan na aldaw nasa laog sana kan Palasyon kan Malakanyang si Presidente Marcos.Apwera sa meeting kaini kaiba si ES Bersamin magkakaigwa man ini nin private meetings.
Dae pa man nagluwas nin iskedyul an palasyo manunggod sa mga magigin aktibidad kan Presidente saaga asin sa mga masunod na aldaw.
Mientrastanto pig-enkaminar ni Presidente Ferdinand Marcos an mga Pilipino na magin reflective asin growth focused mindset ngunyan na 2025 na magbabalanse sa realidad kan nakalihis asin presente.
Pigsierto man kan Presidente na magigin produktibo an presenteng taon orog na ta kadakol na mga programa asin proyekto an nakalinya kun saen mapapakinabangan ini kan taumbayan.
