Inihayag kan presenteng sekretaryo kan Department of Justice na si Secretary Jesus Crispin ‘Boying’ Remulla na dae soboot nakabugkos si Presidente Ferdinand ‘Bongbong’ Marcos Jr. sa iluluwas na shortlist kan Judicial and Bar Council para sa masunod na Ombudsman.
Sigun sa saiya, bakong limitado an presidente sa rekomendasyong iluluwas kaini sa kun sisay an mawot kaining maitalagang bago para sa nasambitan ng posisyon.
Soboot pwedeng pabuksan liwat ni Presidente Marcos Jr. an aplikasyon enkaso mayo ining mapili sa shortlist kan mga nominado gikan sa Judicial and Bar Council.
Saiya ining sinaysay kasabay kan mga panibagong reklamong pigsunad sa Ombudsman kontra sa sekretaryo na saiyang pig akusaran na obheto sanang mapugulan ini na makakua nin clearance.
Marurumdumang taliwas man ini sa naenot na inihayag kan Korte Suprema kun saen pighurot kaini na ‘unconstitutional’ an bakong pagpili gikan sa shortlist kan Judicial and Bar Council.
Sigun kaya ki Supreme Court Spokesperson Atty. Camille Sue Mae Ting, basado sa konstitusyon kinakaipuhan pumili digde an presidente sa saiang itatalagang matukaw komo bagong Ombudsman.
