Dae pinaboran ni President Ferdinand “Bongbong” Marcos Jr an kahurutan kan mga senador na paramientras na suspendiron an implementasyon kan PUV modernization program.
Nanindugan an presidente na dae pigmadali an nasambitan ng programa huli ta pitong beses na ining pinaoktaba antes na dagusang naiimplementar.
Dugang pa kan punong ehekutibo, nasa haros 80% na kan mga jeepney drivers an nag comply sa nasambitan ng programa kun kaya mayo na nin rason tanganing liwat pa ining ipauntok.
