Nagpaabot nin pakikisumaro si Presidente Ferdinand Marcos Jr. sa gabos nin Pilipino sa laog asin luwas kan nasyon sa pagselebrar kan Bagong Taon.
Sa saiyang mensahe, Pigtawan duon ni PBBM an importansya kan pagkakataong ini tangani na makanuod gikan mga agi-agi asin gamiton an mga adal para sa padagos na pag-uswag kan lambang saro.
Tinukoy kan Chief Executive an mga pagsubok na pig kaatubang kan nasyon kan nakalihis na taon, kabali na an mga kalamidad na soboot nakaapektar sa kadakol na komunidad.
Siringman, pig-omaw kaini an katatagan kan mga Pilipino asin an diwa kan bayanihan na, segun sa Presidente, ay nagin dalan tanganing malampasan ang mga ini.
Hurot kan Presidente, sa ibong kan mga huma ay pigpapahiling kan mga kahimanwa an dae matatawarang kusog na dara kan pakikipagsumaro asin pagtatabangan na soboot nagsirbing inspirasyon sa padagos na pagbangon.
Sa pagsabat sa taong 2025, nagpahayag an Punong Ehekutibo kan saiyang panibagong paglaom asin kumpiyansa orog pa ta an mga eksperyensya soboot an magiya pasiring sa pagbilog nin sarong futuro na pano nin promisa asin obheto.
Kasabay kaini pig-inkaminar man ni Presidente Marcos an gabos na magkasararo, magtarabangan, asin ipahiling an diwa kan pagmakulog sa kapwa.
Sa siring na paagi ay mas mapapatatag an koneksyon kan sambayanan asin mas mapaparikas an pagbangon asin pag-uswag kan nasyon.
