Nagdakol pa an nag alma sa nakatalaan na pagpapautob nin mas halangkaw na contribution rate sa Social Security System (SSS).
Nagkapira digde an grupo kan mga paratkdo asin dating chief executive kan pension fund.
Kun saen pig inkaminar ni Alliance of Concerned Teachers Private Schools secretary general Jonathan Geronimo si Presidente Ferdinand Marcos Jr. na ipa-uktaba an implementasyon kaini. Sa irarom kaya kan Republic Act 11548, may kapangyarihan an Presidente tangani suspendiron an contribution rate hike.
Segun ki Geronimo, nagluluwas na haros mas interesado an Marcos administration sa “padding” kan confidential funds kaini kesa sa pagsiguro sa social services asin ikakamaray kan mga tao. Idinagdag pa kaini na lalo sana mababawasan kan nasambitan ng premium hike an dae na bastante na naiupupuling sahod kan mga ini.
Inihayag man kaini na nagsasakit na an mga pribadong paratukdo asin iba pang pribadong mga empleyado huli sa inflation, halangkaw na utility costs asin paglangkaw sa premiums kan Philippine Health Insurance Corp. (PhilHealth).
Sa iraraom kaya kan ley o an Republic Act 11199, pigtawan an SSS nin otonomiya asin prerogatibo sa pagtutugot kabali na an pag abot sa benefit package adjustments. Kaya sa obheto na masierto an panghaloy na viability kan pension fund, piglangkawan an member contributions gikan sa 12% kan 2019 sa 13% kan 2020, 14% kan nakalihis na 2023 asin 15% man para ngunyan na 2025.
Sa 15% na kaltas sa SSS kan mga miyembro, 10% digde ay sisimbagan kan employer mantang an natatadang 5% ay sa empleyado.
Nagkapira pa sa mga grupong nagtutol sa nasambitan ng ley iyo an Philippine Chamber of Commerce and Industry, Employers Confederation of the Philippines, Philippine Exporters Confederation Inc., Federation of Filipino-Chinese Chamber of Commerce and Industry, Makati Business Club, Management Association of the Philippines, Trade Union Congress of the Philippines, Federation of Free Workers, Sentro ng mga Nagkakaisa asin Progresibong Manggagawa at Partido Manggagawa.
