Pinag-sugo ni Presidente Ferdinand Marcos Jr. an pagbilog nin Office of the Presidential Adviser for Marawi Rehabilitation and Development (OPAMRD), para sa pagpaparikas kan rebuilding kan Marawi City asin mga kataraid kaining lugar.
Sa irarom kan Executive Order No. 78, an tanggapan na ini an pamamayuhan kan Presidential Adviser for Marawi Rehabilitation (PAMR), na mapapasairarom man sa kontro asin supervision kan Office of the Special Assistant to the President (OSAP).
Nagkapira sana sa piglalaoman na function kan tanggapan an pagpaparam ki Presidente Marcos kan gabos na urulay o update na igwang koneksyon sa rehabilitasyon, development, asin restoration kan katoninungan sa Marawi City.
Kabali man an pangangasiwa, monitoring, coordinating, asin pag-harmonize kan gabos na istratehiya, programa, asin proyekto, asin makipag koordinar sa concerned LGUs para sa implementasyon kan mga programa, aktibidad, asin proyekto na konektado sa Marawi City rehabilitation and development.
Pirmado ni Pangulong MArcos ang kasuguan, ika-28 kan bulan nin Nobyembre, 2024.
