Papahiguton pa kan Philippine Coast Guard (PCG) an inspection kan mga dredging vessels sa Manila Bay.
Ini makalihis na madiskubre an 13 illegal na Chinese crew na mayong magkakanigong dokumento lunad kan dredging vessel na Harvest 89 sa Mariveles, Bataan kan Nobyembre 26.
Sa inspeksyon, nadiskubre man an sarong uniporme na kapareho kan People’s Liberation Army (PLA) na nagkawsa nin takot sa intensyon kan siring na mga nasyonal na Intsik.
Katakod kaini, sinabi kan tagapagtaram kan PCG para sa West Philippine Sea na si Jay Tarriela sa sarong press conference ngunyan na aldaw na pigsugo ni PCG Commandant Admiral Ronnie Gil Gavan an gabos na CG stations na sakop kan Manila Bay na pakusugon an inspeksyon kan mga dredger vessel nganing masegurar na mayo nin Chinese nasyonal na kargamento kan siring na mga barko.
Apwera kaini, makikoordinar man an PCG sa Maritime Industry Authority (MARINA) asin sa Bureau of Immigration tangani na sundan an mga kagsadiri asin shipping agencies asin magsagibo nin legal na aksyon kontra sa mga iligal na alien.
