Pigsierto kan Philippine Ambassador asin Consuls General sa Estados Unidos na padagos an saindang pagtao nin consular services o tabang para sa gabos na Pilipino ano man an saindang immigration status.
Ini sa tahaw kan nagdadangadang na darakulang pagbabago sa polisiya sa imigrasyon kan Amerika sa irarom ni Presidente-elect Donald Trump sa oras na ini opisyal nang magtukaw sa pwesto.
Sa sarong pahayag, pigsaysay kan mga ini na sinda nagtiripon tanganing pag-olayan an manlaen-laen na isyu na may relasyon sa maabot na administrasyon ni US Presidente elect Donald Trump, partikularmente an mga polisiya kaini sa imigrasyon. Nasasabotan soboot ninda aincoming administrayon.
Katakod kaini, pinatunayan kan mga Heads of Posts an saindang kolektibong committment na suportaran asin tawan nin magkakanigong tabang an mga Pilipino mantang iginagalang an mga ley kan Estados Unidos.
Sinabi pa kaini na papahiguton man kan Philippine Embassy asin Consulates General an saindang engagement sa mga opisyales kan Estados Unidos para sa pagtulod kan proteksyon kan mga karapatan kan mga Pilipino na naka-istar sa Amerika asin pagtulod kan saindang seguridad asin karahayan mantang pigbibisto an karapatan kan Amerika na mag pairal kan sadiring mga ley.
