Interesado pa man giraray an gobyerno kan Pilipinas na magbakal nin mga kagamitang pandepensa sa nasyon kan India.
Ini an inihayag ni Presidente Ferdinand Marcos Jr. sa sarong entrevista na kun saen saiyang ipigheras na igwang mga nakalinyang mga procurement para sa kagamitan kan Armed Forces of the Philippines (AFP) na parte kan nagpapadagos na modernisasyon kan hukbo.
Alagad nilinaw kan Presidente an padagos na pagbakal kan mga military equipment kan Pilipinas an bakong pagpepreparar sa giyera kundi man preparado sa pagsimbag sa mga humang pigkakahampang.
Kaipuhan soboot depensaran an nasyon sa anumang mga huma.
Dugang pa kan Presidente na igwang mga joint military exercises na pigsasagibo an AFP kaibahan an saindang mga counterparts kaya nararapat sana man na i-upgrade kan Pilipinas an mga kagamitan kaini.
Ipinag-orgulyo kan Presidente an ginibong acquisition kan Pilipinas na Indian made na Brahmos missile.
Huli digde, inihayag kan Presidente na igwang plano an Pilipinas na dugangan an pagbakal kan mga Brahmos missile orog na ta magayon an feedback kan mga soldados na nago-operate sa nasambitan ng kagamitan.
