Bwelatada sa semifinals kan ASEAN Championship an Pilipinas.
Nasungkit kaya kan Philippine Men’s National Football Team an kapangganahan kontra Indonesia sa iskor na 1-0, sa hampang kan Indonesian crowd sa Manahan Stadium sa Surakarta.
Bastante na an goal ni Bjorn Kristensen gikan sa penalty kick sa ika-63 minuto para mapwesto an Pilipinas sa panduwa kun saen leading an Group B leader na Vietnam (3-1-0) sa ASEAN Mitsubishi Electric Cup.
Tinapos kan Pilipinas an group stage na may 1win – 3 draw; 0 loss card asin anom na puntos. Nagtapos man an Indonesis sa iskor na 1-1-2 kun saen nasa ikatolong pwesto.
Sulamanteng an duwang nangengenot na koponan kan kada grupo an mausad sa semifinals.
Huring nakalaog an Pilipinas sa ASEAN Championship semis kan 2018.
