Nakatalaang magtao kan saindang assistance an Philippine National Police (PNP) sa Independent Commission for Infrastructure (ICI) tangani inspeksyunon an labi sa 421 na mga natukoy na ghost flood control projects sa nasyon.
Sa sarong pulong balitaan, kinumpirmar ni PNP Spokesperson asin Public Information Office Chief PBGen. Randulf Tuaño na nagkapirang mga yunit kan PNP siring kan Engineeering Services (ES), Criminal Investigation and Detection Group (CIDG), Forensic Group (FG) asin an Information and Technology Management Services (ITMS) an kabali tangani magsiyasat sa mga nasambitan ng proyekto.
Napag-ulayan man soboot sa pag-uulay an enhanced na information sharing asin systems integration sa pag-ultanan kan ICI asin man kan PNP.
Obheto man kaini na matukoy an mga lokasyon kan mga ghost projects na ini sa paagi kan pagaabot kan saindang kabo nin technical asin investigative support sa ICI.
An mga yunit man an igwa nin kaniya-kaniyang obheto siring na sana kan pagtukoy kan mga teknikal na mga dokumento, forensic investigation and validation asin iba pang klase kan technical support.
Mientrastanto, bagaman naabisuhan na an mga yunit sa sandang kanya-kanyang gampanon sa imbestigasyon kan ghost projects na ini, mayo pang iniluwas na numero o datos kung pirang pulis an itatalaga para sa pagkakasar nin mga validation kan mga proyekto.
Sa ibong pa kaini, pig asegurar kan Pambansang Pulisya na sinda an kasaro kan ICI tangani mas maparikas an imbestigasyon asin beripikasyon kan mga proyekto para sa ikakausad kan mga kaso dapit digde.
