Nagsagibo nin primerong misa si Pope Leo XIV komo bagong lider kan Simbahang Katolika makalihis na maggibo nin hostorya komo kaenut-enuting American-born pontiff.
Pinangenutan kan Santo Papa an pribadong misa kaiba an mga kardinal sa may Sistine Chapel pasado alas-11:00 nin pagkaaga, oras sa Roma o alas-5:00 nin pagka hapon, oras sa Pilipinas kan nakalihis na aldaw nin Biyernes, Mayo 9 kun saen idiniliver kan Catholic Church leader an saiyang primerong homilya komo Santo Papa na wikang Ingles asin man Italian.
Pigpuonan kan Santo Papa an saiyang homilya sa wikang Ingles kun saen pinasalamatan kaini an mga Cardinal electors para sa saindang tiwala sa saiya.
Nagtao man nin taus-pusong pagirumdom sa mga kardinal si Pope Leo XIV na inapod tangani magpatotoo sa saindang maogmang pananampalataya ki Kristo na Tagapagligtas.
Nangapudan man an bagong Santo Papa na pirmeng pararumon pa an personal na relasyon ki Kristo asin pighurot na kun mayo nin pananampalataya, mayo man nin kabuluhan an buhay.
Sumentro man an homilya kan bagong Catholic Church leader na saiyang binasa sa wikang Italian sa primerong Santo Papa kan Simbahang Katolika na si St. Peter asin ginirumdom an saiyang mga tataramon na mababasa sa ebanghelyo susog pa ki San Mateo.
Pig girumdom man ni Pope Leo XIV na inapod ini kan Diyos sa paagi kan saiyang pagkakahalal komo ika-267 na Santo Papa.
Tinapos kan Santo Papa an saiyang homilya sa paagi man kan pangadyi.
