Pig-enkaminar ni Pope Leo XIV an mga Katoliko na tularan an kabutihan ni Hesukristo asin maglingkod sa kapwa, orog na sa mga nasa laylayan kan lipunan, kasabay kan pagselebrar kan Cebu kan ika-461 Fiesta Señor o Kapistahan kan Poong Santo Niño.
Sa sarong surat na pigbasa ni Vatican Secretary of State Cardinal Pietro Parolin, ipigpangadye kan Santo Papa na an Kapiyestahan kan Santo Niño ngunyan taon, magin pagkakataon para sa mga Katoliko para ipagpadagos na magin aki kan Diyos sa paagi kan pagsabuhay kan bunyag, mamuhay nin puspos sa biyaya ni Kristo, asin magserbe sa kapwa komo patotoo kan pagkakasararo asin pag-ibig kan Most Holy Trinity.
An surat an ipigpadara sa mga Augustinian kan Minor Basilica of Santo Niño sa Cebu.
Marurumduman, antes mahalal komo ika-267 Santo Papa, nagbisita si Pope Leo XIV, kan siya pa cardinal, sa Cebu kan taong 2004 komo Prior General kan mga Augustinian.
An Fiesta Señor sarong taunang relihiyosong pagselebrar na pig-alay ki Sto. Niño de Cebu, an imahe kan aking si Hesus na pigkokonsederar na pinakagurang na Kristiyanong relic sa Pilipinas.
