NAGA CITY – Puspusan na an piggigibong barangay road clearing kan mga barangay sa enterong syudad nin Naga.
Sa nagin paghampang sa mga kagawad kan media ni Renne Gumba, pamayo kan Public Safety Office-Naga, sinaysay kaini na an road clearing an bakung programa kan syudad kundi pigmandato kan Department of Interior and Local Government o DILG an mga barangay na maglinig sa saindang mga area of responsibility. Alagad, minsan an naghahagad soboot an barangay sainda nin tabang kun kaya pigtatabangan ninda an mga ini.
Tinawan duon man kan opisyal na sa pagkokondusir kan mga road clearing activity baku sanang kapitan an dapat na presente digdi kundi magin an iba pang opisyales magin an SK.
Makalihis man an mga paglilinig na ini irereport ini sa DILG asin an ahensya na an mag-aassess enkaso nakatabang o epektibo ba ini.
An mga barangay an eevaluate basado sa validation visit kan DILG sa saindang lugar.
Tinawan duon man kan opisyal na makakamarhay kuta na kun an sugo gikan sa taas an siring man kan kasuguan pag-abot sa baba tanganing dae nagkakaigwa nin problema.
Naglalaoman man an opisyal na magigin sustinido an gabos digdi siring na sana kan inventory kan mga tinampo hasta sa actual conduct kan road clearing hasta sa validation sa laog kan sarong taon.
Dugang pa ni Gumba an nagigin tuyaw sana sa nagkapirang mga barangay sa syudad an nin huli ta an iba an dae pa naghihiro asin nagpupuon sa saindang mga aktibidad.
