NAGA CITY – Nagpaabot nin pakikidumamay an Philippine Red Cross- Camarines Sur sa nabayaang pamilya ni Kirk Badiola, saro sa mga nagadan sa plane crash sa Calamba, Laguna kasuudma.
Sa nakuang impormasyon kan Bombo Radyo Naga sa Philippine Red Cross- CamSur, napag-araman na nagsirbing safety services instructor kan nasambitan ng opisina si Badiola puon taong 2011.
Boluntaryo man soboot ining nagbabale sa manlaen laen na mga aktibidad kan organisasyon.
Mientrastanto, kinumpirmar man kan Municipal Disaster Risk Reduction and Management Office (MDRRMO)-Nabua na gikan sa Baao, Camarines Sur an nasambitan ng biktima.
