Kinuwestiyon ni Navotas City Rep. Toby Tiangco an pagbawas kan Kamara de Representantes sa pondo kan National Disaster Risk Reduction and Management Fund (NDRRMF) para sa 2027 national budget.
Saiyang pigbatikos an pagtapyas sa nasambit na pondo sa tahaw kan posibleng pag-atubang kan nasyon sa epekto kan El Niño.
Sa sarong intrevista, pigkuwestyon ni Rep. Tiangco an pagbaba nin haros P10-bilyon sa pondo kan Disaster Risk Reduction o calamity fund, gikan sa propuestong P45.67 bilyon pasiring sa P36.17 bilyon na sana.
Giit niya, nangyari an pagbawas sa nasambit na pondo na mayo nin paliwanag asin dai man natawan nin oportunidad na makapaghapot sa ‘period of interpellation’.
Sinikap kuta ining maibalik alagad naibasura sana sa Kamara de Representantes an saindang mga panukalang dagdag, kaya dai malikayan an pagduda orog na sa ‘transparency’ kan proseso.
Huli digdi, nasambit an dapit sa dai pag-uswag sa Kamara de Representantes kan Citizen Access and Disclosure of Expenditures for National Accountability (CADENA) Act, na igwa man nin bersyon sa Senado na isinulong ni Sen. Bam Aquino.
Katuyuhan kan panukalang ini na mapakusog an ‘transparency’ asin pagbantay sa paggastos kan gobyerno, partikular sa pondo kan nasyon.
Gamit an ‘blockchain technology’, sisiguraduhon na an mga dokumentong may kinaaraman sa badyet, mga proyekto, asin iba pa, magigin accessible sa publiko.
